भक्तपुर २ असार । Mybhaktapur.com चाँगुनारायण गाविसमा रहेको चाँगुनारायण प्राथमिक उपचार केन्द्र अब जनस्वास्थ्य अस्पताल बन्ने भएको छ । अस्पतालका लागि गत भदौ महिना देखि सुरु भएको भवन निर्माण कार्य आगामी दुईवर्ष भित्र निर्माण सम्पन्न हुने ईन्जिनियर गोपालबहादुर महर्जनले बताउनुभयो । कूल तीन करोड ४२ लाख ९२ हजार १६ रुपैयाको लागतमा निर्माण हुने साडे दुईतल्ले भवनमा २५ शैयाको अस्पताल संचालन हुनेछ । अस्पतालमा आकस्मिक सेवा, ओपिडि सेवा लगायतका अन्य सेवाहरु समेत संचालन हुनेछ ।
अस्पताल संचालनमा आएपछि स्थानियले न्यून शुल्कमा विरामीको उपचार हुने र स्थानियले नजिकै उपचार सेवा पाउन सक्ने भवन निर्माणका ओभरसियर सम्झना सुवेदीले बताउनुभयो । आफ्नै गाउँमा सुविधा सम्पन्न अस्पताल निर्माण हुने भएपछि स्थानियवासी खुसी भएको मदनबहादुर थापाले बताउनुभयो । चाँगुमा जस्तै दुवाकोट गाविसमा पनि अस्पताल निर्माण सुरु भएको छ ।