भक्तपुर १२ जेठ । Mybhaktapur.com महानगरीय प्रहरी बृत्त थिमिले अरनिको राजमार्ग क्षेत्रमा संचालित विभिन्न रेस्टुरेष्टमा छापामारी यौन व्यावसायमा संलग्न रहेको आरोपमा ११ जना महिलालाई पक्राउ गरेको छ । राजमार्गमा संचालित फरेष्ट, फ्रेण्डसिप, चाईना टाउन लगायतका रेष्टुरेष्टमा आज छापा मारी यहाँ यौन कार्यका लागि ल्याइएका ११ महिलालाई प्रहरीले पक्राउ गरेको हो । पक्राउ गरिएका सबै महिलालाई आवश्यक कारबाहीका लागि हिरासतमा राखिएको प्रहरी बृत्त थिमिले जानकारी दिएको छ ।