रमेश गिरी
भक्तपुर २९ मंसिर । जिल्ला विकास समिति अन्तर्गत आदीवासी जनजाती समन्वय समिति भक्तपुरले आज जिल्लाका ७२ वटा सामुदायिक विद्यालयहरुलाई खानेपानी ट्याङ्की वितरण गरेको छ ।
समितिले जिविसमा आयोजना गरेको ट्याङ्की वितरण कार्यक्रममा उपस्थित रहेका ७२ वटै विद्यालयका प्रधानाध्यापकहरुलाई ट्याङ्की हस्तान्तरण गरेको हो ।
कार्यक्रममा प्रमुख जिल्ला अधिकारी केशवराज आचार्य र स्थानिय विकास अधिकारी राजेन्द्रकुमार केसीले ट्याङ्की हस्तान्तरण गर्नु भएको हो ।
समितिले जिल्लाका नौ वटा उच्च माध्यामिक विद्यालय, २० वटा माध्यामिक विद्यालय, २६ वटा निम्न माध्यामिक विद्यालय र १७ वटा प्राथमिक विद्यालयहरुलाई ट्याङ्की वितरण गरेको हो ।
विद्यालयमा खानेपानीको अभाव हुन नदिन र पानी संचित गर्नका लागि उच्च मावि र माविलाई एक हजार लिटरको र निमावी तथा प्राबिका लागि पाँचसय लिटरका दरले ट्याङ्की वितरण गरेको हो ।